(問)我想去手作專門店應該點去呀~~?

手作專門店位於屯門青海圍2號萬寶商場1樓42鋪(由屯門市廣場黎到鋪頭步行約15分鐘)~~

你可以坐港鐵到屯門站，然後免費轉乘輕鐵坐一個站到達屯門市廣場(又或者由港鐵站經V city有天橋可以步行到屯門市廣場)(或者直接坐巴士黎到屯門市廣場)。見到屯門大會堂，右手邊方向繼續行會見到郵局同埋圖書館，隔離就係柏麗廣場。

屯門大會堂隔離嘅郵局&圖書館，後面嘅係柏麗廣場
(圖片來源係網上搜尋番黎，如有侵權請通知我，我會立即刪除，謝謝^^)

柏麗廣場正面
(圖片來源係網上搜尋番黎，如有侵權請通知我，我會立即刪除，謝謝^^)

黎到柏麗廣場正面會見到有兩個入口，一個往上﹑一個往下，我地行往下嘅，然後入到廣場裡面沿住一直行會見到有夾糖鋪﹑雪糕店，繼續行會接駁到天橋。沿住一直行(下邊相入面嘅箭嘴方向)，行前小小會見到右手邊有條樓梯可以落去，落左去之後轉入右手邊嘅隧道直行。

出左柏麗廣場見到接駁住嘅天橋(圖片來源 : Google map)

一直行會見到右手面有條落去嘅樓梯(圖片來源 : Google map)

好啦~~其實黎到呢到已經係青海圍(置樂)~~過左相入面呢條馬路，沿箭嘴方向就會見到萬寶商場啦！呢到有好多靚衫同埋化妝品賣，又有修甲美容各形各色嘅商店~~女孩子一定可以喺到消磨番2~3個小時Shopping下~~手作專門店就喺1樓42號~~我地鋪頭好易認架~~喜歡手作diy嘅你想搵手作材料，想搵拼布皮革生活雜貨同埋得意野，諗緊送乜野禮物比人又或者想整啲野氹下自己開心就記得黎探下我地啦！

過左呢條馬路就到啦! (圖片來源 : Google map)

手作專門店 ! (圖片來源 : Google map)

E-mail: handiwork_specialists@yahoo.com.hk

地址: 屯門青海圍2號萬寶商場1樓42鋪 

Address: Shop 42,1/F,Man Bo Building,2 Tsing Hoi Circuit,Tuen Mun

營業時間: 星期一至星期日 2:00pm至7:30pm(我地無休息架!)
Facebook專頁: https://www.facebook.com/handiworkspecialists

生日禮物、結婚禮物、畢業禮物、手作教學、手作課程、訂造相簿、diy熊仔、羊毛氈、生活雜貨、皮革、銀包、布藝材料、口金、四合扣、十字繡、貼飾、低溫泥、手作配件、手作工具、diy材料。